Zapallos recheos

Ingredientes:

• Un zapallo mediano;
• Unha cebola;
• Un pemento roxo;
• Un pemento verde;
• Xamón serrano ou cocido;
• Dúas lonchas de queixo;
• Sal;
• Aceite de oliva;

Preparación:

Cotámo-lo zapallo polo medio en sentido transversal e quitámo-la semente (1); quitámo-la pulpa con coidado e picamola poñéndoa a escurrir sobre papel de cociña para que perda parte da auga. Reservámo-las cortezas. Cortámo-la cebola , os pementos e o xamón en dados. Facemos un sofrito na tixola coa pulpa do zapallo, a cebola, os pementos e o xamón, coma se fora para unha empanada e vertámolo nas cortezas do zapallo, cubríndoos coa lonchas de queixo. Metemos ó forno uns minutos.

(1) A semente pode deixarse secar e tosta con ou sen sal para picotear coma as pipas ou os pistachos.

Os zapallos son unha variedade de cabazos abondante en toda Latinoamérica, introducidos na cociña galega, tanto adquiridos como cultivados directamente polos consumidores, pola influencia dos inmigrantes e dos emigrantes retornados. En países coma Arxentina ou Chile o seu consumo está moi extendido, chegando a constitu´r a base da alimentación por seren ricos en fibra, vitaminas e sales minerais. Producen desde xuño ata outubro, o seu cultivo é coma o dos calabacíns e a súa adaptación ós terreos galegos non ten dificultade.