Trucos de cociña

Se preparamos un bacallao ó forno ou á brasa e é moi gordo, pode resultar excesivamente seco; para evitalo, abrimos os toros de bacallao, sen chegar a cortalos de todo, e introducímoslles unhas lonchas de queixo ou de panceta.

O mesmo consello serve se asamos un anaco de raxo ou unhas peitugas de polo.

Aproveita-lo aceite

Como o aceite era un producto caro só o empregaban cando era imprescindíbel, nos outros casos fritían con graxa de porco.

Tamén o reutilizaban, para iso as amas de casa dispoñían de dous recipientes de cristal, un para o aceite do pescado e outro para o resto.

Recomendacións:

Reutilizar o aceite non é aconsellable nen desde o ponto de vista gastronómico, porque vai collendo un sabor rancio, nen desde o sanitario, porque é máis difícil de dixerir; pero para aforrar aceite o millor é non abusar das frituras; os productos preparados ó ferro apuro requiren aceite e son máis saudables.

Para desbota-lo aceite, empapa un papel de xornal cos restos e guíndao no contenedor de "resíduos orgánicos".